Avtomobillə təminat

Azərbaycan Respublikasının ərazi bütövlüyünün müdafiəsi ilə əlaqədar əlil olmuş şəxslər, 1990-cı ilin 20 yanvar hadisələri ilə əlaqədar əlil olmuş şəxslər, hərbi xidmət vəzifəsini yerinə yetirərkən əlil olmuş şəxslər və Çernobıl əlilləri minik avtomobilinə tibbi göstəriş olduğu hallarda dövlət hesabına minik avtomobilləri ilə təmin olunurlar.

Həmin kateqoriyadan olan vətəndaşlar minik avtomobilinə tibbi göstərişin müəyyən edilməsi üçün aşağıda qeyd olunan sənədləri yaşadığı ərazi üzrə xidmət göstərən Tibbi sosial- ekspert komissiyasına təqdim etməlidirlər:

- pulsuz avtomaşın almağa tibbi göstərişin müəyyən edilməsi üçün rayon (şəhər) poliklinikasından 88 nömrəli tibbi forma;
- şəxsiyyət vəsiqəsinin surəti;
- əlillik səbəbi, dərəcəsi barədə TSEK arayışının Nazirlik yanında Dövlət Sosial Müdafiə Fondunun müvafiq rayon şöbəsi tərəfindən təsdiq edilmiş surəti.

Əlil səhhəti ilə əlaqədar dövlət tərəfindən pulsuz verilmiş avtomaşını idarə etməkdə çətinlik çəkərsə, onda həmin avtomaşının idarə olunmasını onunla birlikdə yaşayan, sürücülük vəsiqəsi olan ailə üzvünə həvalə edə bilər.Əlil vətəndaşa verilmiş avtomaşınının digər şəxs tərəfindən idarə edilməsi üçün aşağıdakı sənədlər təqdim edilməlidir:

- Əlil vətəndaşın şəxsiyyət vəsiqəsinin surəti (Notarial qaydada təsdiq olunmuş);
- Avtomaşının texniki pasportunun surəti (Notarial qaydada təsdiq olunmuş);
- Etibar edilən şəxsin şəxsiyyət vəsiqəsinin surəti (Notarial qaydada təsdiq olunmuş);
- Etibar edilən şəxsin sürücülük vəsiqəsinin surəti (Notarial qaydada təsdiq olunmuş);
- Hər ikisinin yaşayış yerindən arayış.

Əlil vəfat etdikdə dövlət tərəfindən ona verilmiş avtomaşın ailə üzvlərindən birinin adına keçirilməlidir. Bu zaman aşağıdakı sənədlər təqdim olunmalıdır:

Əgər vəfat etmiş əlil vətəndaşın həyat yoldaşı varsa:

- Pulsuz avtomaşın almış əlilin ölüm şəhadətnaməsinin surəti (Notarial qaydada təsdiq olunmuş);
- Avtomaşının texniki pasportunun surəti (Notarial qaydada təsdiq olunmuş);
- Nigah haqqında şəhadətnamənin surəti (Notarial qaydada təsdiq olunmuş);
- Vəfat etmiş şəxsin vərəsəlik hüququna sahib şəxslərin (varislərin) adlı siyahısı – Arayış;
- Vəfat etmiş şəxsin vərəsəlik hüququna sahib şəxslərin (varislərin) ərizələri (Notarial qaydada təsdiq olunmuş)
- şəxsiyyət vəsiqələrinin surəti (Notarial qaydada təsdiq olunmuş).
- Vəfat etmiş əlil vətəndaşın həyat yoldaşının ərizəsi;
- Vəfat etmiş əlil vətəndaşın həyat yoldaşının şəxsiyyət vəsiqəsinin surəti (Notarial qaydada təsdiq olunmuş).

Əgər vəfat etmiş əlil vətəndaşın həyat yoldaşı yoxdursa:

- Pulsuz avtomobil almış əlilliyi olan şəxsin ölüm şəhadətnaməsinin surəti (Notarial qaydada təsdiq olunmuş);
- Avtomobilin texniki pasportunun surəti (Notarial qaydada təsdiq olunmuş);
- Avtomobili adına keçiriləcək varisin ərizəsi;
- Avtomobili adına keçiriləcək varisin şəxsiyyət vəsiqəsinin surəti (Notarial qaydada təsdiq olunmuş);
- Vəfat etmiş şəxsin vərəsəlik hüququna sahib şəxslərin (varislərin) adlı siyahısı – Arayış;
- Vəfat etmiş şəxsin vərəsəlik hüququna sahib şəxslərin (varislərin) ərizələri (Notarial qaydada təsdiq olunmuş)
- şəxsiyyət vəsiqələrinin surəti (Notarial qaydada təsdiq olunmuş).